Telluris ingens conditor, mundi solum qui eruens, pulsis aquae molestiis terram dedisti immobilem,

Ut germen aptum proferens, fulvis decora floribus, fecunda fructu sisteret pastumque gratum redderet,

Mentis perustae vulnera munda viroris gratia, ut facta fletu diluat motusque pravos adterat.

Iussis tuis obtemperet, nullis malis approximet, bonis repleri guadeat, et mortis actum nesciat.